حڪايات خلفاءِ راشدين (ڪتاب): چئن خليفن سڳورن بابت حڪايتن تي ٻَڌل هن ڪتاب جو ليکڪ عبدالرحمٰن جتوئي آهي. هي ڪتاب 1998ع ۾ سنڌي ساهت سوسائٽي، شڪارپور پاران ڇپائي پڌرو ڪيو ويو. ڪتاب جو مقدمو مشهور عالم ۽ اديب محمد ادريس سومري سنڌيءَ جو لکيل آهي، جنهن ۾ نبي ڪريم صلي الله عليه وسلم جن جي چئن يارن ۽ صحابين سڳورنرضه جي باري ۾ قيمتي معلومات ڏني وئي آهي. غلام مصطفيٰ مشتاق به ڪتاب تي راءِ جو اظهار ڪيو آهي ۽ ڪتاب جو پيش لفظ عبدالجبار ’عبد‘ جو لکيل آهي. ڪتاب کي چئن بابن: (1) ’حڪاياتِ حضرت صديق رضه'>ابوبڪر صديق رضه‘، (2) ’حڪايات حضرت عمر فاروق رضه‘، (3) ’حڪاياتِ حضرت عثمان غني رضه‘ ۽ (4) ’حڪايات حضرت علي رضه‘ ۾ ورهايو ويو آهي. ٽن رنگن جي ٽائٽل ۽ پڪي جلد جي 230 صفحن تي مشتمل، ڊيمي سائيز جي هن ڪتاب جي قيمت 60 روپيا آهي.